ديوان الشاعر بدر عواد الحويفي الحربي

ورد الشاعر/ بدر الحويفي بهذه القصيدة على الشاعر / جزاء بن صالح الحربي والشاعر/ سعيد بن صالح الحربي .
قلبي تمشكل بين رمحه وسيفه وانا عليه ملحم الصمت تلحيم عليه هجمات الطواري كثيفه مثل النفيض اللي تمزع عن الغيم ليا شفت لي نو يركز قنيفه يشوقني برق الخيال المراديم لو كان ما أرعى من نباته وريفه ابا أتمشى بالحـرار الصواريم هواي لاعديت رأس المنيفه والطير صايم وأرفقايه شغاميم والعشق مالي في مجاله وظيفه أمسلمه للي يبي العشق تسليم وجزاء طلب حكمي بدعوى ظريفه ماظنها تحتاج حكمه وتحكيم على سعيد شن حمله عنيفه لو هو قريب جوده بالبلاعيم وقصة سـعـيـد يوم يمدح ولـيـفـه أمسممه مدعوج الاعيان تسميم يقول خله ما يوصف وصيفه يشوفها عفراً بوسط المجاهيم وعلى بنات الناس ماهي مطيفه لو هي تقسم رونق الزين تقسيم ولو زود العشاق وصف العفيفه راع الهوى لو شلق الثوب ماليم مادامها قصة غرام وشريفه الوصف به واقع وبه وصف ترهيم وان كان تلميذي لعب بالصحيفه نلقي عليه القبض من دون تعميم وشهادته نحرق عليها بليفه ونعيد له مع صف الاطفال تعليم وان جاء على رأي المعلم وكيفه طلع خبير وصمم البيت تصميم وعلى جزاء يمتاز عرف وعريفه ويحطمه بمداعب الشعر تحطيم وحتى المعلم يدخله منه خيفه ليا خاطبه بمساجلات المناظيم يصير له منهج ولهجه لطيفه طبعه يزين وكل صفقه بتعليم
۱۹۹